የኦሮሚያ ክልል መዝሙር / የአማርኛ ትርጉም /

ኦሮሚያ ( 2)የትልቅ ህዝብ ታሪክ እናት

የኦሮሞዎች እምብርት ፥ የገዳ ስርአት አዳራሽ

የህግና ስርአት መሬት ፥ የጨፌ ኦዳ እናት

የብልጽግና ልምላሜ ፥ ሁሉን አብቃይ እናት

የመቶ አመት እድፍ ፥ በደማችን አጠብንልሽ

በብዙ እልፍ እልቂት ፥ ባንዲራሽን ከፍ አደረግን

ደስ ብሎናል ደስ ይበልሽ ፥ ስልጣንን መልሰን አገኘን

ሰላምና ዴሞክራሲ ፥ የሰብአዊነት መብት

አስተማማኝ ልማት ፥ ዘላቂ ልማት

ከህዝቦች ጋር ሰላምና ፍቅር

ለመኖር ዋስትና ትልቅ አላማ አድርገን

ኃይላችንን አሰባስበን ፥ ተነስተናል ተማመኚብን

ኦሮሚያ አብቢ ፥ ለምልሚና ኑሪ!

ኦሮሚያ ማናት ? እንደዚህ የተንቆላጰላጠሰችው ?  አንድ ቋንቋ ተናጋሪ እንደ ተፈጥሮ ዛፍ ፤ በ1983 ዓ/ም በአሜሪካ ኢፔሪያሊሥቶች እርዳታ ሥልጣን በያዙ እናቸንፋለን ባዮች ኦሮሞ የተባለ ሰው ፣  ከመሬት የበቀለባት ናት እንዴ ? የዓለም የሣይንሥም ሆነ የኃይማኖት ታሪክ ይህንን ቅጥፈት ፅድቅ ነው በማለት የሚደግፈው ይመሥላቸዋል  እንዴ ? ከሣይንሥ እና ከዳሪዊን ህሳቤ እንኳን ሥንነሳ  የመጀመሪያው ዝንጀሮ ማነው ? ከኃይማኖት አንፃርሥ የመጀመሪያዎቹ አዳምና ሄዋን ኦሮሞች ናቸውን ? ናቸው ከተባለ ፣ የዓለም ሰው ሁሉ ኦሮሞ ነው ። ማለት ነው ።

ደግነቱ በፈጣሪ ዘንድ መላው ዓለም ላይ የሚገኘው በአርያ ሥላሤ የተፈጠረ በሙሉ መጠሪያው ሰው ነው ። ቋንቋ አይደለም ። ፖለቲከኞች ያልነቃውን ህዝብ ለማሞኘት የፈጠሩት የቆዳ ማዋደድ ፖለቲካ ሲኦል እንጂ ገነተ አያሥገባም ። የዛሬ ገንዘብህ በእንኮኮ ኪሊማንጃሮ ሊያሶጣህ ይችላል ። ሆኖም የኪሊማንጃሮን ግዙፍነት አያጎናፅፍህም ። “ ሾሾህን “ እዛ ጣለው ። ከኢትዮጵያ ጠላቶች የተቀበልከውን የቤት ሥራ በቢሊዮን ዶላር በህቡ እንደምታቀሳቅሥ ፣ ባንኩን እንደተቆጣጠርክ ሁሉ ፣ ታንኩን ለመቆጣጠር ና የድሮኑንም ቁልፍ  በእጅህ ለማሥገባት  የተነቃበትን ሿሿ ይዘህ በድጋማ መምጣትህ ያሣፍራል ።

በመጠኑ ሞዲፋይ በሆነ ሿሿ  በአዲስ አበባ ብጥብጥ የፈጠርከው ራሥህ ነህ ። “ What's Lov got to do , got to do with it?  … But a second hand emotion ? “ ( Tina Turner )  አለች አሉ ፤ትልቁ  ሰውዬ በ1997 ዓ/ም  ምርጫን ተከትሎ  “የአና  ጎሚዝን “ እና የፕሮ ብርሃኑንን መሞዳሞድ አሥተውለው ¡¡

እኔም በአዲሳ አበባ ሉአላዊ አሥተዳደር ውሥጥ የቆዳ ማዋደዱ ፖለቲካ ምን አገባው ? ህዝብ እንደ ዜጋ በፍቅር አብሮ እየኖረ ሣለ ህዝቡን እንደ በግ፣ፍየል፣በሬ ፣ አህያ፣ላም ፣ዶሮ በአጠቃላይ እንደ ግል የቤት እንስሳ መመልከት ጤነኝነት ነው ፤ ትላላችሁን  ? በማለት “ ትምህርት ውሥጥ የክልል አርማ ምን ጥልቅ አደረገው ? “ እላለሁ ። ሌላ ሥውር ነብጥብጥ አጀንዳ ከሌለ በሥተቀር  ። “ ከወንዙ በላይ  ሆነው ነፁህ ውሃ እየጠጡ ታች ከነሱ በታች እየጠጣ ያለውን ፣ ለምን ውሃውን ታደፈርሳለህ ብሎ መቆጣት ፤ ምን ማሐት ነው ? “ሣታሜከኝ ብላኝ ….” አለች …

ይኽ  በማይሙ ና በሥሜት ተነጂው ህብረተሰብ ብቻ ሣይሆን በመላው አሥተዋይ የኢትዮጵያ ህዝብ ማላገጥ ነው ። የሚገርም ማላገጥ ።

የሚገርም ማላገጥ ፣ ያውም በሚሊዮኒ የአዲስ አበባ ህዝብ ላይ ።   የራስን ትርክት እያዳመጡ የአዲስ አበባ ህዝብ አቋም ይሄነው እያሉ መቀለድ ፣ ከደርግ ጀምሮ ሲተገበር የኖረ የሠለቸን ድራማ እንደሆነ እንዴት የዛሬ ባለሥልጣናት ዘነጉት ? የአዳነችም ሆነ የጃዋር አሥተሳሰብ መንጋውን በመፎገር ቢያንሥ ተንቀባርሬ እኖራለሁ የሚል ደርጋዊ እና ኢህአዴጋዊ በህዝብ ሥም የመቀሐድ አባዜ ነው  ። የህሊና ቢስነት መንገድንም ነው ።  እነዚህ ለጥቅም ሲሉ ብቻ ዘረኛ የሆኑ ፣ ሰውን በሰውነቱ ብቻ እንዳይመለከቱ ገነዘብ ና ምቾት አይናቸውን ያወራቸው እብድ ሰዎች  ፤ ዜጎችን  እንደ ሰው በኩል ደረጀሠ ያለማየት  የአእምሮ ህመም አለባቸው ። ከህመማቸው የተነሳም  ሰዎች እንደ ሰው ተፋቅረው እንዲኖሩ ፈፅሞ አይፈልጉም ። ሰዎች ተደበልቀው  እንዳይኖሩ የሚያደርግ የሤጣን ሥርዓትን ለማንበር ነው ጥረታቸው ።  ይኽ ደግሞ በዓለም የሌለ ሰው ጠል አሥተሣሠብ በመሆኑ ሊተገበር አይችልም ።

ዛሬ የኢትዮጵያ ህዝብ 99% ሰውና ዜጋነኝ የሚል ነው ።1% ደግሞ ከሆዱ አኳያ ሰውነቱን ረስቶ ፣ ከዓለም ሥልጣኔ እና የዛሬ እና አሁን ማህበራዊ አኗኗር አፈንግጦ ፣ ለማግበሥበሥ እንደ ጅብ  ተቧድኖ መንጋ በመፍጠር “ እኔ ቋንቋ ነኝ “ ባይ ነው ።

በዘር የተደራጁ ፣ ነፃ ሰው ሳይሆኑ የቋንቋ ባርያ የሆኑ በአገር ውሥጥ ሥልጣን ይዘው ፣  በጫካ ሰው ለማረድ መንጋውን አሠማርተው ፣ በውጪ አገር ( በነቃው እና ሰው መሆኑንን በተገነዘበው የበለፀገ አእምሮ ባለው ህብረተሰብ ውሥጥ እንደሰው ታቅፈው እየኖሩ ፣ ) በኢትዮጵያ ውሥጥ  የእንስሳት ሥርዓትን ለማንበር ሌት ተቀን እየቸፍጨረጨሩ ነው ።

የዓለም ህዝብ   ሰው  ና ዜጋ ነኝ በማለት በጋራ በፍቅር እየኖረ ፤ አሜሪካ በዲቫ አያሌ አፍሪካዊያንን ዜጋዋ እያደረገች ( ዘመናዊ የባሪያ ንግድ ይሉታል ። አንዳንዶች )  ኢትዮጵያውያን ሰውና ዜጋ ሆነው ሣለ ፣ “ አንተ ቋንቋ ና ዘር “ ነህ ማለት ምን ማለት ነው ?

ይህ  የኢንተርሃሙዬ ተግባር ነው ። አዲስ አበባ በደም እንድትታጠብ የፈለጉትም እና ጃዋር እና አዳነች አቤቤ ናቸው ( አዳነች አቤቤ በማወቅም ሆነ ባለማወቅ ወይም ደሞ ሥኳር አቅመሰዋት ሊሆን ይችላል ። ጃዋር ግን በዓላማ እና በተላላኪነት እንደሆነ መቶ ፐርሰንት የተረጋገጠ ነው ። )

ጃዋርና ግብረ አበሮቹ ( በመንግሥት መዋቅር ውሥጥ ተሰግስገው ) ሁሌ በቁርጥና በውሥኪ ከርሳቸውን እየሞሉ እና  በጥጋብ እያናፉ ፣ አፍንጫቸው ሥር ያለውን ሞት ዘንግተው   ፤በምት ላይ ያላግጣሉ ። በቀን አንዴ ለመመገብ ጭንቅ የሆነበትን ምንዱባንን ፣ በሽብርተኝነት ይከሳሉ ። የፈረንሳዩን ሪቭሎሺን በገዛ እጃቸው ለማምጣት ይኽን በአሥተዋይነት ዝም ያለ ትውልድ ለምን  በተዋጊ ጥፍራቸው የጎነትሉታል  ? ዝም ያለ ትዕግሥተኛ ሰው ሁሉ ፣ ፈሪ ና ቧቅቧቃ ይመሥላቸዋልን ?  …. አይናቸው በትዕቢት ሥለታወረ  አያዩትም እንጂ ይህ ትውልድ በሁሉም ረገድ እጅግ የነቃ እሳት ትውልድ ነው ።

ወጣቱን አገር ተረካቢውን ፣ የተማረውን ፣ አሥተዋዩን ትውልድ ልቡን አላወቁትም ። አይነ ልቦናቸው ታውሯልና !   የታወረውም አገርን ለማሸበር በተለገሱት ገንዘብ ባፈሩት ሀብትና ንብረት እንደሆነ ይታወቃል ።   ነገን በዕውርነታቸው ከቀጠሉ ፣ ያፈሩት ንብረት ብቻ ሳይሆን እነሱም ያለቀናቸው ትቢያ   ሊሆኑ ይችላሉ ።

ልበ ዕውሮቹ ፣ ህሊና ቢሶቹ ፣ የነገን ጥፋት ማየት አይችሉም እና  ይኽቺን ታሪካዊት አገር ኢትዮጵያን መነገጃ አድርገዋታል ። ህዝቧን ኢትዮጵያ አትፈርስም እያሉ እያጭበረበሩት እና እያዘናጉት በሥውር ረብጣ ዶላር እየተቀበሉ አገርን እየሸጡ ነው ። አገር ፈርሳ የት እንደሚኖሩ ባናቅም ፣ ህሊና ሥለሌላቸው   መንጋ በመፍጠር ፣ሰው  ፣ እንሥሣ ሆኖ ሰውነቱን ረስቶ በቋንቋ ተቧድኖ እንደ  ጥንቱ ኋላ ቀር  ጦርነት በሥለት እንዲጨፋጨፍ እያዘጋጁት ነው ። ይሄንን ያልተረዳ ማንኛውም ኃቀኛ ዜጋ ደግሞ ነገ እጣ ፈንታው ጥርስ ማፋጨት እንደሚሆን ተገንዝቦ ይኽንን የህሊና ቢሶች ሴራ ለመቀልበስ ያለእንቅልፍ መታገል ይኖርበታል  ። …

ለመሆኑ “ ኦሮሚያ “ በኢትዮጵያ  ፣ ሥር ናት  ወይስ ብቻዋን አገር የሆነች ናት ? ከቶስ ይኽቺን ኦሮሚያ የተሰኘች ምድር ማን ጠፍጥፎ ሰራት ?  ኦሮሞ የተሰኘውን ሥያሜ ማነው ለመጀመሪያ ጊዜ የሰጣት  ? እራሥህ መልሥ ? ዞረህ ዞረህ አዳምና ሄዋን ጋ ትሄዳለህ ። አንተ ሰው ነህ በቃ ። ሌላውን የፖለቲካ ዲሥኩርና ትርክት ወደዛ ጣልው ። ትልቅ እግዛብሔር እንጂ የሰው ወይም የዘር ትልቅ የለም ። “ ሁሉም ውሥጡ ሥጋና ደም ...” አለ በጣፋጭ ዜማ ፣ አብዱ ኪያር ።

ኦሮሚያ የተሰኘችው ክልል መሆኖን ነው የምናውቀው ። በኢትዮጵያ ጉያ ሥር ያለች  ። በወያኔ ዘመን በነ ኩማ ደመቅሳና በእነ አልማዝ መኮ  ፊት አውራሪነት የኦነግን የፖለቲካ አጀንዳ በኦህዴድ አማካኝነት እንድትተረጉም የተደረገችም ናት ኦሮሚያ  ። የኦነግን አፍ ለማዘጋት በመለሥ ዜናዊ ለአክራሪና  ለጠባብች እንዲሁም “ለቆዳ አዋዳጆች”  የተለገሰች የጥቂቶች ኬክ ናት ኦሮሚያ ። “ አፋን ኦሮሞን “ ከግእዝ ፊደል ወደ ቀኝ ገዢዎቹ የላቲን ፊደል ያሸጋገረች ።  ላቲን በእጅ ብልጫ የፀደቀላት ። ዘጠኝ ሰዎች በሚሊዮኖች የፈረዱባት  ... ዛሬ እና አሁን ፣ የቆዳ ማዋደድ ጦሳቸው የዋሁን ዜጋ የሚያሳርድባት ፤ ናት ኦሮሚያ ።

ዛሬ ኢትዮጵያ " ዩቶጵያ " ለመሆን እየተንደረደረች ነው ። የምናብ ፣ የተምኔት ኢትዮጵያ ። መንግሥት እንደመንግሥት ሲሆን የማይታይባት ። ለሥልጣን ያበቁኝ ናቸው ውለታቸውን አልዘነጋም በማለት እውነትን አድበስብሶ ለማለፍ የሚጥርበት ። ሥልጣንን እንዳያጣት ንግሥናንን እሥከእርጅና ለመዝለቅ ሃቀኛ ኢትዮጵያውያን ወደ ሥልጣን መወዳደሪያ መድረክ እንዳይመጡ የእሣት አለንጋ መያዙን የሚያሳይባት ናት ይኽቺ አገር ።

መንግሥት ሸንጋይ ሆኖ ፣ “ ላም አለህ በሰማይ ! “ ይልሃል ።  ህዝብን ለማሞኘት በተመሣሣይ የሽንገላ ቃላት ዛሬም ይጠቀማል ። ነገሩ ይገርማልም ያሥቃልም  ። ድራማው በኮመዲ የተጀመረ ትራጀዲ ፍፃሚ ያለው መሆኑ ነው እያሥገረመ የሚያሥቀው ።

ዛሬ ደግሞ  የአሜሪካ መንግሥት ፖለቲካውን እንደ እግር ኮሥ ጫወታ አይቶታል ። እርግጥ ዛሬ እና አሁን ኳሷ በፕሬዝዳንት ባይደን እግር ሥር ናት ። እሳቸው በፈለጉት አቅጣጫ ኢትዮጵያን ለመውሰድ ይችላሉ ። የዛሬው የኢትዮጵያ ሁኔታም ለአሜሪካ መንግሥት አመቺ ነው ። “ ሌቦች የዘረፉትን ሀብት  በአገሪቱ ኢንቨስት  እሥካደረጉ ጊዜ ደረስ አትንኳቸው ። ተባብረን በመበዝበዝ እንበልፅግ ! ! “ ነው ፣ የአሜሪካኖቹ መፈክር ። ( it eat, Let me be soil , USA) ማለት ብቻ ነው የሚያዋጣው ። አፈር ሥህን እያሉ USA ን በአፍ ፣ በአፍዋ ማጉረስ ። ...

በተረፈ ዛሬ ማንም ህዝብን ለመሸንገል ብቃት የለውም ። ዓለም ዛሬ በእያንዳንዱ  የኢንተርኔት አጠቃቀም ባወቀ ሰው ሁሉ መደፍ ውሥጥ ናት ። የዓለም መንግሥታት ከሥልጣን ውጪ የተለየ ኃይልና ጥበብ የላቸውም ። በቲዎሪ ደረጃ የሁሉንም ሙያዊ እና ጥበባዊ እውቀት ለማወቅ ወይም ቢያንሥ መሠረታዊውን ዕውቀት ለመጨበጥ  እጅግ ቀላል የሆነበት ዘመን ላይ ደርሰናል ። ለበረታ ደግሞ ቲዎሪውን እሥተጥግ ማወቅ ከባድ አይደለም ። እናም ማንም  በትወራ እየሸነገለ  በኢቲቪ ፣ በፋና ፣ በዋልታ ፣ " እየከደረ " ህዝብን በደምሳሳው መሸንገል ከቶም አይችልም ። እንደ ኢህአዴግ የአገዛዝ ዘመነሰ( ዛሬም ሹመኞቹ ኢህአዴጎች መሆናቸውን አላጣሁትም ። )  የበዛ  ካድሬ እና የተደናበረ   ግራናቀኙን  የማያውቅ አፋሽ አጎንባሽን  ሰብስቦ  ከኢትዮጵያ ባንዲራ ይልቅ የኦሮሚያ አርማ በአዲስ አበባ ላይ ይንገሥ ማለት ቅዠት ነው ።  ከኤቨረስት ተራራ በላቀ መልኩ የኢትዮጵያ ሰንደቅ ዓላማ  ታላቅ ነው ። የኢትዮጵያ መከላከያ ሠራዊት ለምን ብሎ ሞተና !! ...

ይኽን ያለዕውቀት መንቀዥቀዥ ያመጣው ፣ ሥለዓለም ታሪክ ብቻ ሣይሆን ሥለ ሰው አፈጣጠር ፈፅመው ያለነበቡ ማይም የፖለቲካ ሰዎች በድንገት ፣ ፈፅመው ሳያሥቡት ፣ በ1983 ዓ/ም አራት ኪሎን በጠመንጃ ኃይል ሥለተቆጣጠሩ እንደሆነ በብዙ ጥናት ተረጋግጧል ። ዛሬም ሥልጣን እውቀትና ጥበብ የሚመሥላቸው ናቸው ፤ ራሳቸውን መምራት ሳይችሉ ፣ ህዝብን እንመራለን በማለት ዜጎችን ሠላም የሚያሳጡት  ።

ከ1983 ዓ/ም በኋላ ፣ እውቀት እና ጥበብ  ዓልባ ሰዎች ሚኒሥቴር ሆነዋል ። ባለሥልጣን ሆነዋል ። መኮንኖች ና ጀነራሎች ሆነዋል ። ዲሲፕሊን ገደል ገብቷል ።ሥልጣን  ካለህ በሰማይ መንገድ አለ እና ዲግሪው ፣ ማሥትሬቱ በሲቪል ሰርቪሱ አማካኝነት ታድሏል ።  አንዳንድ የምዕራብ ዩኒቨርሲቲዎችም በዶላር ዲግሪዎችን ሸጠዋል ። እናም መንግሥት በቀጣፊዎች ተሞልቷል ። ዛሬ ደግሞ ቀጣፊ አገርን እንደወረራት  ታውቋል። እናም  ያለዘረኝነት ሥልጣናችን ዘላለማዊ አይሆንም በማለት በቋንቋ ዘረኝነት  የሚያላዝኑትን ሰው መሆኑንን የተገነዘበው አማርኛ ፣ ኦሮምኛ፣ትግሪኛ፣ ሱማሊኛ፣አፋርኛ፣ሲዳምኛ ፣ወላይትኛ፣ሃድይኛ ፣ ዶርዝኛ ፣ ቅማንትኛ ፣ ሐረሪኛ፣ሐመርኛ ፣ ወዘተ ። ተናጋሪው ፣ ኢትዮጵያዊ ዜጋ ግን ፈፅሞ  አይሰማቸውም ።

ዛሬ ፣ ለኢትዮጵያ ሠንደቅዓለማ  እንሰዋለን የሚሉ ወጣት ጀግና ዜጎች በሚሊዮን የሚቆጠሩ መሆናቸውን ያስተውሉ ። ከህፃንነት  ጀምሮ የሰው ባልሆነ ዘረኝነት ልጆችን አግልሎ በማሥተማር  ዘላለማዊ ንግሥና እናገኛለን ብሎ ማሰብ በራሥ ላይ እባብ መጠምጠም እንደሆነም  እያሳዮቸው ነው  ። በማህበረሠቡ ውሥጥ እየኖረ ያለን ወጣት እንደ ጋሪ ፈረስ ማድረግ ከቶም አይቻልም ። ለአንተ ለማይሙ እና ነገ ትቢያ ለምትሆነው ፤ ተንቀባሮ መኖር ሲል ሥለ ዓለምና ሥለ ሰውልጅ አፈጣጠር ከአንድ ፕሮፊሰር እኩል የሚያቅ የኦሮምኛ ተናጋሪ ወጣት ልጅ ፣ የአማርኛ ተናጋሪ ወጣት ልጅ ፤ የትግሪኛ ተናጋሪ ወጣት ልጅ ፤  የአፋርኛ ተነጋሪ ወጣት ልጅ ፤ የሱማሊኛ ተናጋሪ ወጣት ልጅ ፣ የአፋርኛ ተናጋሪ ወጣት ልጅ  ።ወዘተ ። እንደትላንቱ  በከንቱ በመንጋነት የሚሰዋልህ እንዳይመሥልህ ።

እርግጥ ነው ፣ ትላንት በቦናፓርቲዝም የተዘፈቀውን  ህወሃትን ገንዘብ እየከፈሉ “ በመንጋ አብዮት “ ከሥልጣን ያሶገዱት የግብፅ ተላላኪዎች ነበሩ ። ህውሃት ከ1983 ጀምሮ በዘረኝነት ፣ በፀረ _ ኢትዮጵያዊነት እና በምሁር ጠልነት የፈፀመው ግፍ  ፅዋው ሞልቶ በመፍሰሱ ፈጣሪ ቅጣቱን ሰጥቶታል ። ጥቂት ፣ የእጃቸውን ያላገኙት  ግፈኞችም የእጃቸውን እንደሚያገኙ   አልጠራጠርም ። በበኩሌ በፈጣሪ ተስፋ ቆርጬ አላውቅም ።

ዛሬ  በአዲሰ አበባ እንገዛለታልን ፣ ገዢያችን ነው ያሉትን ፣ ህገመንግሥቱን በመጣሥ ፣ በማንኛውም ማህበረሳባዊ ግንኙነት የተጣመረውን ፣ አብሮ የሚበላና የሚጠጣውን የአዲስ አበባ ወጣት እርስ በእርሱ በማጋጨት ፣ የቀውስ እና የብጥብጥ ድግሳቸውን  በመላው ኢትዮጵያ ለማዳረስ ጥረዋል ።   ግን ግጭቱን በጠመቁት የኦሮሚያ የመንግሥት ባለሥልጣኖች እና በዘረኛ ፓርቲዎች እና ግጭት በመጥመቅ በታወቁ ግለሰቦች ላይ  መንግሥት እርምጃ አልወሰደም ። የአዲስ አበባ ፖሊሥም ሆነ የፊደራል ፖሊሥ ሹማምንቶችም ከግጭት ጠማቂው የተበረከተላቸው የአፍ መዝጊያ የተቀበሉ ይመሥል ለመብቱ የታገለውን ወደ ማጎሪያ ካምፓቸው ወሥደውታል  ።

ደጎስ ያለ ረብጣ የአፍ ማዘጊያ ና የመተባበሪያ ብር በመቀበል ፣ ባለ ቪላ ቤት ሆነዋል ና ለክፍያቸው እየተገበሩት ያለ አገር የሚያዋርድ ሥራ ነው  ። ባለ መኪኖች ፤ በየከተሞቹም ባለ ቪላዎቹ ከፍተኛ የፊደራል ፖሊሥ ባለሥልጣናት እና የኦሮሚያ ፖሊሥ አባላት ናቸው ። ሥንቶቹ እንደሆኑ ለማወቅ ከፈለግህ ፣ በየ ከተማው  ዙሪያ የተገነቡትን  ቪላ የባለሥልጣናትና የፖየኦሮሚያ ፖሊሥ ና ልዪ ኃይል ቤቶች በላሥቲክ ቤት የሚኖረው ምንዲባን አንድ ሁለት ብሎ ቆጥሮ ይነግርሃል ። በዚች አገር እኮ የደም ነጋዴው ከእሥከ አይባልም ። ጥቂት የማይባልው የየቀበሌውና የየወረዳው ፖሊሥ አዛዥ በአዳዲስ ፎቆች  ውሥጥ ባለ ሱቅ መህኑንም እወቅ ።

ከዚህ አንፃርም  የብልፅግና መበስበስ እውን ሆኗል ማለት እንችላለን  ። ብልፅግና በስብሶል ።  የፖሊሥ አዛዥ ይቅርና ተራ የቀበሌ የፀጥታ ዘርፍ ኃላፊ  ሥልጣኑንን ተገን አድርጎ ፣ ከሌባ እና ህሊና ቢስ  ባለሀብት ተብዬ ያሻውን  ይለገሳል  ። ( ቤት ፣ መኪና ገንዘብ ፣ ወዘተ ።) ሁሉም ባይሆን ጥቂት የማይባለው በሚጢጢ ሥልጣኑ አማካኝነት ያልተገባ ጥቅም ያገኛል ። ዛሬ ብዝበዛው እና ዘረፋው  በልማት ሥም የሚከወን ነው ። ብልፅግና ከኢህአዴግ የበለጠ መብስበሱን መሪው በውል የተገነዘበ  አይመሥልም ። ብዙዎች ግን " አብይ ሿሿ እየተጫወተ ነው  ። ሃቀኛውን ለማ በከንቱ ኮነነው ። " ይላሉ ። ...አንዳዶችም  "  ከቤቱ ሲወጣ የሚያቸው መልካም ነገሮች እጅግ የበሰበሰውን እና የገማውን የሰፊው ህዝብ መኖሪያና ህይወት  እንዳያይ ጋርዶት ነው እንጂ  እርሱ እጁ ከሌብነት የፀዳ ነው  ። " በማለት ሿሿ ይጫወታሉ  ። እንዲህ እና እንዲያ  ይባል እንጂ አብይ ከቀድሞው የኢትዮጵያ መሪ ከኮሎኔል  መንግሥቱ ውድቀትም ሆነ ፣ ከኃ/ማርያም እጅ መሥጠት የተማረ አይመሥልም ።

" እንዴት ? " በሉ ። እንዴት ማለት በጣም ጥሩ ነው ። የጥሩ አድማጭ ና አንባቢም ወግ ነው ።

እሥቲ ዞር ብላችሁ አሥታውሱ ከመጋቢት 24/ 2010 ዓ/ም በኋላ ባሉ 9 ወራቶች በጠቅላይ ሚኒሥቴር ዶ/ር አብይ አማካኝነት ተአምር የተባሉ ክስተቶች የኢትዮጵያ ህዝብ አይቶ ተደሥቷል ። በግፍ የታሰሩ የፖለቲካ እሥረኞች ተፈተዋል ። ከኤርትራ ጋር የኢትዮጵያ ህዝብ ፍቅር እንደሆነ አሳይተዋል ።

ይኽንን የሥርነቀል የለውጥ ጅምራቸውን ጀነራል አሣምነው ፅጌ በማድነቅ ዶክተሩን ፣ " ኢትዮጵያዊው ሙሴ " ብለዋቸው ነበር ። ይሁን እንጂ እኝህ ጀነራል  በአምባቸው መኮንን ሞት ሰበብ እንዲገደሉ ተደርገዋል ። የአምባቸው መኮንን  ምሥጢርም    ከጀነራሉ ሞት ጋር ሊቀበር ችሏል  ። እና ይህ እውነት ምንን ያመለክታል ። “ አብዮት ልጆቾን ትበላለችን ? “... ወይስ የሿሿ ጫወታን ?

 

 
https://amharic-zehabesha.com/archives/178286