ክቡር ጠቅላይ ሚኒስትር፡

የሚንጫጩትን ሁሉ አይስሟቸው። እኔ ከስዎ ጎን እቆማለሁ። ምን ሊያመጡ ብለው ነው! ተዋቸው። ይልቅስ በነካ እጅዎ፤ ይሄን የክልል ምንትሴ ምንትሴ ብቻ ሳይሆን፤ ክልሉን ራሱን ያፍርሱት። እንዲያምርብዎ በአማራው ክልል ይጀምሩ። ቆይቼ፤ ሁሉን ተቃዋሚዎቼን ጭጭ ካደረግኩ በኋላ እሱን አደርገዋለሁ፤ ብለው አይጠብቁ። እኔ ከስዎ ጎን እቆማለሁ።

ይኼዎልዎ፤ ይሄ የአማራ ክልል ድሮም አይምርበትም። እኔ ኢትዮጵያዊ ነኝ እያለ፤ ክልል እንዳይጠና ያደረገ እሱ ነው። መቸም እሱ ፈርሶ ሌላው አይቆምምና፤ በነካ እጅዎ፤ ክልል የሚባለውን ሁሉ ያፍርሱት። አዩ! እስዎ ንጉሥ መሆን ነው የሚፈልጉት። ንጉስ ድሞ አንድ ጊዜ ከነገሠ እስኪሞት ድረስ ፈላጭ ቆራጭ ነው። እስዎ ያንን እንድሚፈልጉ እስኪበቃን ድረስ ነግረውናል። እኛ ነን አልገባን ያለ። ድሮ "እኔ ኢትዮጵያን እገዛለሁ! ንጉሥ እሆናለሁ! እያልኩ ስናገር ነበር!" ብለውናልኮ! እኛ ነን አልገባን ያለ። "እናቴ ንጉሥ ትሆናለህ ብላኛለች!" ብለውናልኮ! እኛ ነን አልገባን ያለ! እኚህ እርስዎ የሾሟቸው ጌታቸው ረዳ፣ ሽመልስ አብዲሳ፣ ይልቃል ምንትሴ የሚባሉኮ እስዎን ገድለው ሊነግሡ ነው የሚፈልጉት። አይምሰልዎ! አሁን እያደቡ ነው። እንደብልጠትዎ ካሁኑ ይሄን ክልል የሚባለውን ነገር ያፈራርሱት።

ደሞ፤ ወታደሩ ብቻ አይደለምኮ! ገንዘቡ፣ መንግሥታዊ መዋቅሩ፣ የመንግሥት ሠራተኛው፣ ፖሊሱ፣ አድርባዩ፣ አጎብዳጁ፣ መሬት የሠረቀው፣ ሹመት የቋመጠው፣ ታክሲ ነጅው፣ አስተማሪው፣ ተማሪው፣ አርሶ አዳሪው፣ ሠርቶ አዳሪው፣ ሁሉ ነገር በጅዎ ይሆናል! ያስቡበት። መቼም ሁሉ ነገር ቀደም ብሎ እንደሚታዩዎ ቀድሞ ነግረውናል። እኛ ነን አልገባን ያለ።

እስዎኮ ከሁሉም የበለጠ አዋቂ ነዎት! ያን ሊያስመሰክሩ ለሐኪሞቹ የሕክምናን ጥበብ አስተምረዋል። ለቄሶቹ ስለ ቤተክህነት አስተምረዋል። ለመምህራን ስለ ትምህርት ስብከዋል። ለሠርተኞች ሥራ ምን እንደሆነ ነግረዋል። ፓርላማ ሄደው ለሕዝብ ተወካዮች ስለ መንግሥትና ሕግ አስተምረዋል። ለሥራ ፈላጊዎች፤ ከነሱ የበለጠ ሥራ ፈላጊ መሆንዎን ተናገረዋል! እኛ ነን አልገባን ያለ። እስዎን የመሰለ ኢትዮጵያ አግኝታ አታውቅም።

ካሁን በኋላ መሪ በቃ! ተስዎ በኋላ ሌላ አይምጣብን። እናም እንዳልኩዎ፤ ይሄን ክልል የሚባል፤ ለስዎ ሥልጣን የማይሆንና አስጊ ስለሆነ፤ ይሄን ንገር በነካ እጅዎ ከምድር ገጽ ያጥፉት። የማይሆን ጉዳይ ነውና በጥበብዎ ይሰርዙት። እናም

አንድ ገዢ - ጠቅላይ ሚኒስትር አብይ!

አንድ ንጉሥ - ጠቅላይ ሚኒስትር አብይ!

ድሮ ሲነግሩን እንደነበር!

አንድ የፓርላማ አባልን አፍ አዘጊ - ጠቅላይ ሚኒስትር አብይ!

አንድ ቄሶችን ሁሉ አንበርካኪ - ጠቅላይ ሚኒስትር አብይ!

አንድ አማራን አጥፊ - ጠቅላይ ሚኒስትር አብይ!

ይሄን የመሰለ ዕውቀት ያለው ሰው ለዘለዓለም ይኑር!!!

ኢትዮጵያ ታድላለች!

ጠቅላይ ሚኒስትር አብይ ለዘለዓለም ይኑሩ!

 

 
https://amharic-zehabesha.com/archives/181450